Во Русија започна вакцинација на животни против коронавирус

Претставничката на оваа институција, Јулија Мелано прецизираше дека вакцинацијата на домашните миленици почнала во неколку руски области.

„Првата испорака на единствената вакцина против корона, а која е наменета за животните, Carnivac-Cov стигна во руските градови, за да се спречи ширењето на заразата меѓу животните“, изјави Мелано, објави новинската агенција ТАСС, а пренесува Танјуг.

Ова е единствена ваква вакцина во светот и создадена е од руските научници. Русија во март објави дека ја регистрирала првата вакцина против вирусот за животни откако тестовите покажаа дека со неа се создаваат антитела кај кучињата, мачките, лисиците и куните – потсетува Ројтерс.

Вакцината ја развија Федералниот центар за здравје на животните и Федералната служба за ветеринарен и фитосанитарен надзор. СЗО претходно изрази загриженост поради преносот на вирусот меѓу луѓето и животните. Производителот на вакцината истакна дека таа би можела да ги спречи мутациите на вирусот. Инаку, Русија досега разви три вакцини, освен вакцината за животни. Од нив, најпозната е Спутник В, а останатите се ЕпиВакКорона и КовиВак.