Три жени добитнички на Нобеловата награда за мир

Денеска во Осло свечено беше доделена Нобеловата награда за мир. Оваа година таа  замина во рацете на три жени- либериската претседателка Елен Џонсон Сирлиф, либериската мировна активистка Лејмах Гбове и јеменската новинарка и активистка Тавакул Карман.

Трите добитнички на наградата порачале дека тоа признание ќе им биде дополнителен поттик во борбата за правата на жените, демократијата и мирот во нивните земји и во светот.

“Светот веќе не може да не’ држи на страна. Тој мора да ги почитува нашите вештини и способности“, изјавила Гбове.

Елен Џонсон Сирлиф, наградата им ја посветила на сите жени од Африка, посебно на оние од нејзината земја кои се соочувале со различни потешкотии за време на граѓанската војна.

“Тие го носеа товарот на немирите, беа изложени на силување, сексуално ропство, а и понатаму мораа да се грижат за своите деца додека нивните мажи војуваа“, рекла либериската претседателка.

Досега Нобеловата награда за мир jа добиле 12 жени. 

{loadposition content9}