Три деца загинаа при уривање на зграда во Египет

Најмалку три деца загинаа на југот на Египет, при уривање на зграда, јавија денеска локалните медиуми.

Спасувачките тимови извлекле најмалку деветмина повредени од урнатините на двокатната зграда во провинцијата Бени Суеф, пишува египетскиот весник „Ал Ахрам“. Меѓу повредените има и деца.

Загинаа двајца браќа на возраст од осум и дванаесет години, како и нивната единаесетгодишна сестра.

Причината за уривањето не е позната, но тоа не е ретка појава во Египет поради лошата градба во сиромашните и руралните делови на земјата.