Тестаментот на Мандела, „јаболко на раздорот“ за неговото семејство

Поранешниот претседател на Јужна Африка Нелсон Мандела оставил зад себе имот вреден нешто повеќе од четири милиони долари, стои во тестаментот што е отворен вчера, пренесува Би-Би-Си.

Како што соопшти извршителот на тестаментот Дикганг Мосенеке, тестаментот е напишан на 40 страници.
Мандела еден дел од имотот наменил за школување на децата од неговото родно место.

Исто така, дел од имотот ќе добијат и членовите на неговото семејство и личниот персонал.

Тестаментот е прочитан во Јоханесбург, а би можел да биде нов повод за препирки меѓу членовите на неговото многубројно и несложно семејство околу финансиската оставнина на борецот против апартхејдот.

{loadposition content9}