„Stand by“ аранжман тежок 3 милијарди евра за Србија

„Stand by“ аранжман од вкупно 2,942 милијарди евра, наменети за јакнење на девизните резерви и стабилен курс на динарот, одобри за Србија Меѓународниот монетарен фонд(ММФ).

Аранжманот, кој претставниците на ММФ го одобрија синоќа во Белград, се однесува на период до април 2011 година, а со одлуката се предвидува Србја уште веднаш да добие 788 милиони евра.

Одборот на ММФ наведе дека парите општо се наменети за подршка на програмата за економските мерки на српската Влада, за надминување на негативните последици од светската економска криза.

Годинава Србија ќе може да искористи вкупно 2,1 милијарди евра, а остатокот е планиран за 2010 година.

{loadposition content9}