Русите на масовни протести

Околу илјада лица се собраа во центарот на Владивосток на протестен митинг против резултатите од изборите за рускиот Парламент. Демонстрантите повикуваа да се прогласат за неважечки резултатите од изборите за Државната дума, како и од гласањето за локалните органи на власта. Протестот мина мирно, а тој беше обезбедуван од околу 20 полицајци.

Во градот Перм во Сибир, полицијата уапси 15 демонстранти, а уште 30 се приведени во градот Хабаровск во рускиот Далечен исток. Тие се уапсени под обвинение за учество во демонстрации, за кои не е издадена дозвола.

Во Москва протестите беа одобрени од локалните власти, но Министерството за образование објави дека оваа сабота сите ученици од 9. до 11. одделение треба да посетуваат настава. За зборно место е определен плоштадот „Балатнаја“ на околу половина час пеш од Плоштадот на револуцијата во центарот на Москва. Според одобрението од локалните власти во демонстранциите не смее да учествуваат повеќе од 30 илјади лица.

Според московската полиција на плоштадот „Балатнаја“, каде веќе почна протестот насловен „За чесни избори“ веќе се собрани околу 20 илјади лица, а на Плоштадот на револуцијата има околу 200 демонстранти.
{loadposition content9}