Рударска несреќа во Кина

Најмалку 35 рудари загинале, а 44 се водат за исчезнати во експлозија во рудник за јаглен во кинеската провинција Хенан, јавија тамошните власти .

Експлозијата се случила во еден часот по полноќ по локално време во рудникот во градот Пингдингшан.

Во окното во моментот на несреќата имало 93 рудари, соопштило раководството на рудникот. Кинеската влада во соопштение од утринава информираше дека 14 рудари биле спасени, 35 загинале, а по 44 се трага.

Според официјалните бројки, досега оваа година во кинеските рудници загинале 3.215 лица. Причина за несреќите најчесто е дотраената опрема или непридржување до безбедносните мерки.

{loadposition content9}