Полскиот претседател Лех Качински загина во авионска несреќа

Претседателот на Полска Лех Качински загинал денеска во авионска несреќа во западниот дел на Русија.

Како што јавија агенциите, авионот со 87 патници се урнал при слетувањето во градот Смоленск.

Гувернерот на регионот Смоленск Сергеј Антуфијев потврди дека несреќата не ја преживеало ниту едно лице.

Авионот од типот тупољев 154, кој летал од Варшава за Смоленск, при слетувањето се залетал во крошни од дрва по што паднал на земја и се запалил.

„Во авионот покрај претседателот на Полска биле и неговата сопруга, началникот на генералштабот на полската војска и заменик министерот за надворешни работи“, изјави портпаролот на министерството за надворешни работи на Полска Пјотр Пзковски.

Тие патувале на свеченоста по повод 70-годишнината од масакрот на полските војници во Катинската шума.
{loadposition content9}