Писма со бел прав пристигнуваат во училишта во САД

До училиштата во Вашингтон биле испратени 29 сомнителни писма со бел прав, за што американските власти веднаш започнаа истрага.

Во едно од писмата се споменува Ал Каеда поради што и почнала истрагата, јавуваат американски медиуми.

Според официјални извори на кои се повикуваат дел од американските медиуми, белиот прав бил всушност обично брашно.

По ликвидирањето на Осама бин Ладен во Пакистан на 1 мај, во САД се засилени мерките за безбедност. По нападите од 11 септември 2001 година, пет луѓе починаа откако отворија писма во кои бил вирус на антракс и испратени на различни места во Вашингтон.

{loadposition content9}