Парламентарните избори во Албанија не ги исполнија стандардите

Парламентарните избори што во Албанија се одржаа кон крајот на јуни, имаа прогрес, но не ги исполнија највисоките стандарди.

Ова е оценката на набљудувачката мисија на ОБСЕ, објавена во завршниот извештај за изборите во Албанија.

Прогрес е забележан во однос на евидентирање на гласачкото тело, процесот на идентификација на избирачите, законската регулатива и денот на гласањето.

Но сепак забележана е и политизација на изборниот процес, блокирање на броењето на гласовите во неколку изборни зони и слично.

Во извештајот се наведува и дека не се евидентирани манипулации со гласовите.

Мисијата на ОБСЕ албанските избори ги набљудуваше со над 400 свои активисти.

{loadposition content9}