Осуетен заговор за убиство на Путин

Руската телевизија Канал еден денеска јави дека бил откриен заговор за убиство на премиерот Владимир Путин по претседателските избори на 4 март. Телевизијата прикажа двајца мажи кои велат дека добиле наредба од чеченскиот воен лидер Доку Умаров да го убијат Путин. Притоа телевизијата наведува дека во заговорот биле вклучени тројца, но оти едниот од нив во јануари загинал во експлозија по што била покрената истрага која довела до апсењето на преостаните двајца луѓе. Тие наводно признале дека експлозивот бил скриен на патот кој Путин вообичаено го користел за да стигне до владата.