Одбиен престојот во Англија на синот на Осама бин Ладен

Британски суд вчера ја одби молбата на еден од синовите на Осама бин Ладен, 28-годишниот Омар, за одобрување престој во Велика Британија, пренесоа светските агенции.

Омар бин Ладен се жалеше на претходната одлука на властите, со која му беше откажан престојот во земјата со мотив дека неговиот брак со 54-годишна британска државјанка, склучен во Саудиска Арабија, не се признава за валиден и дека неговото присуство во Велика Британија е “непосакувано”.
Судијата Марк Окелтон изјави дека е “вознемирен ” од зборовите на Омар бин Ладен дека не го смета неговиот татко Осама за терорист.
Омар, кој има саудиско државјанство, е четвртото дете од првиот брак на Осама бин Ладен.
Во 2008 година тој и неговата сопруга се населија во Катар, откако беа екстрадирани од Египет.
Шпанија, исто така, ја отфрли молбата за доделување азил за синот на лидерот на терористичката мрежа Ал Каеда.

{loadposition content9}