Обама укина дел од трговското ембарго кон Куба

Претседателот на САД Барак Обама укина дел од ограничувањата за патување на американските граѓани со кубанско потекло во Куба, а исто така им дозволи тие да можат да испраќаат пари на своите семејства.
Обама ја укина и забраната за американските телекомуникациски компании, кои досега не можеа да добијат лиценци во Куба.

Тоа се први чекори на олеснување на трговското ембарго на САД кон Куба, но сепак Обама не го укина во целост. Тој во предизборната кампања истакна дека трговското ембарго ќе остане на сила се додека Куба не се демократизира.

{loadposition content9}