Новинар, менаџер и политичарка изигрувале макроа за Берлускони

Поради подведување проститутки на журката во вилата на италијанскиот премиер Силвио Берлускони во близина на Милано, обвинителството побара за бидат процесуирани тројца блиски соработници на Берлускони.

Обвинителството ги товари телевизискиот новинар Емилио Феде, кастинг агентот Леле Мора и регионалната советничка за Ломбардија Николета Минети, дека имале значајна улога во рамки на т.н афера Рубигејт, во која премиерот Берлускони е обвинет дека и платил на малолетничката за секс.

Леле Мора е обвинет дека регрутирал девојки, Феде дека се грижел сето тоа да помине во тајност, а Минети, која инаку е поранешна забарка на Берлускони, обвинета е дека ја организирала работата.

Берлускони ги отфрли обвинувањата дека и платил на малолетничката неколку пати меѓу февруари и мај минатата година, што е кривично дело за кое му се заканува казна затвор од три години.

{loadposition content9}