Ќе има нови напади на исламските екстермисти

Исламистичката група која ја презеде одговорноста за нападот врз хотелот „Мариот“ во Исламабад, се закани со нови напади ако Пакистан не ја прекине соработката со САД.
Во телефонска порака до новинари, групата „Федаин ал ислам“ го споменува сопственикот на „Мариот“ по име.

„Сите оние, кои ги олеснуваат американските и натовските крстоносци како сопственикот (Саддрудин) Хасуани, ќе продолжуваат да добиваат удари“, се истакнува во пораката, напишана на англиски јазик.

Данската служба за разузнавање и безбедноср соопшти вчера дека нејзин службеник загинал во бомбашкиот напад врз хотелот „Мариот“.

Стејт департментот на САД им нареди на сите владини службеници да не отседнуваат и да не ги посетуваат големите хотели во Исламабад, Карачи и Пешавар.
Во самоубиствениот бомбашки напад врз хотелот „Мариот“ во Исламабад што се случи во саботата загинаа 53 луѓе, меѓу кои чешкиот амбасадор и двајца службеници на Пентагон, а повредени беа 270 лица.