Национален дел на жалост во Италија

Групен државен погреб на жртвите од земјотресот што вo понеделникот ја погоди централна Италија ќе се одржи денеска, а во земјата е прогласен и национален ден на жалост.

Според најновите информации, билансот на жртвите во катастрофалниот земјотрес се приближува до 300 луѓе, од кои најмалку 16 се деца.

Италијанскиот претседател Џорџо Наполитано вчера ја посети Аквила, главниот град на областа Абруцо, која што е најтешко погодена од земјотресот, а италијанските медиуми јавуваат дека избледува надежта за пронаоѓање на уште преживеани под урнатините.

Од 20 до 30 луѓе сè уште се водат за исчезнати, а 1.170 се повредени. Од нив 179 се во тешка состојба. Проценките говорат дека околу 28 илјади луѓе останале без своите домови.

Нови земјотреси сè уште се чувствуваат во областа, а најсилниот бил регистриран вчера утро и бил со јачина од 5,2 степени по Рихтеровата скала.

Италијанската амбасада во Македонија соопшти дека денеска ќе отвори книга на жалост. Амбасадата соопшти дека е отворена жиро-сметка за донација на помош на настраданите.

{loadposition content9}