Во Москва ликвидиран судијата кој им судеше на неонацистите

Водечкиот руски федерален судија, Едвард Чувашов, убиен е пред зградата во која живеел во Москва.
Судијата го застрелал непознат сторител кој успеал да побегне од местото на настанот, пренесува BBC. Чувашов судел во многу случаи против организациите на неонацистите и добивал многу смртни закани. Во февруари осудил 9 членови на неонацистичките скинхедси „Белите волци“ со по 23 години затвор. Судел и во многу случаи во кои високи руски функционери биле обвинети  за корупција и проневера.
„Непознат сторител го застрела г-дин Чувошов со огнено оружје во градите пред неговата зграда. Истражните екипи се на местото на настанот. Едвард Чувашов им подлегна на раните“ –пренесува радио Московско Ехо.

{loadposition content9}