Мини торнадо погоди плажа на Халкидики

Туристичкото место Неа Мудања на Халкидики, вчера беше погодено од мини торнадо во кое повредени се три лица кои во моментот биле на плажата.

Туристите кои се нашле на ова место на социјалните мрежи пишуваат дека песочниот вртлог кој се формирал, направил штета на плажата, односно баровите.

Тројцата повредени, според последните информации од локалните медиуми, се во добра состојба. На истата плажа во попладневните часови избувнал и пожар, но набрзо бил изгаснат.