Медведев во посета на Белград

Претседателот на Русија, Дмитриј Медведев треба да допатува во вторник во посета на Белград, што е прва посета на руски претседател на Србија.

Над илјада полицајци ќе го обезбедува градот, а ќе бидат ангажирани и хеликоптерски единици, како и специјални и антитерористички единици.

Претстојните средби на претседателот на Русија, Дмитриј Медведев во Белград треба да го потврдат „особено пријателскиот, взаемно корисниот и стратешкиот карактер на српско – руските односи“, соопштија во понеделник извори од Кремљ.

Според најавите, за време на посетата ќе се одржи средба на Медведев и српскиот претседател Борис Тадиќ, како и разговори во поширок состав со присуство на делегации.

Медведев ќе се обрати пред пратениците на српското Собрание.

{loadposition content9}