Во Лисабон од 50 илјади свеќи направена најголемата ѕвезда на светот

Главниот град на Португалија од синоќа го осветлува светлината на илјадници свеќи споени во голема ѕвезда на плоштадот Тереиро до Пако, пренсуваат британските медиуми. Една свеќа од ѕвездата чини едно евро и целиот приход оди за децата и возрасни заболени од хронични болести.

Собирањето на пари за оваа цел го организирала непрофитната организација “Земја на соништата“, а една од членките Ана Фернандез изјавила: “Нашата цел е да се соберат што повеќе пари за институциите кои се занимаваат со остварување на детските соништа кои се во болница. Идејата е да се направи најголемата светлосна ѕвезда на светот“.

Во Здружението се надеваат и дека оваа ѕвезда ќе влезе во Гинисовата книга на рекорди. Ѕвездите ги составиле волонтери кои со часови ги составувале свеќите во ѕвездата.

{loadposition content9}