Кина со уште поголем буџет за одбрана за 2009 година

Кина објави дека за воени расходи оваа година се предвидени 480,6 милијарди јуани (70,24 милијарди долари). Таа сума е поголема од ланскиот буџет за одбрана за „скромни“ 14,9 отсто, посочиофицијален претставник на кинеските власти.

Според него, зголемениот буџет за одбрана ќе се искористи „за да се подржи суверенитетот и интегритетот на Кина и не претставува закана за која и да е држава“. Буџетот за одбрана на Кина е 1,4 отсто од БДП.

Зголемувањето ќе се искористи главно за зголемување на платите, за информатички технологии, за мерки против тероризмот и внатрешна безбедност.
За споредба, буџетот на САД за 2009 година е 515 милијарди долари што е за 7,5 отсто повеќе од минатата година.

{loadposition content9}