Холандскиот принц Јохан се бори за живот

Откако минатата недела беше затрупан од лавина снег, холандскиот принц Јохан Фрисо, син на кралицата Беатрикс, има сериозни оштетувања на мозокот.

Лекарите задолжени за неговото лекување денеска соопштија за неговата состојба и велат дека постои можност никогаш да не дојде при свест.

Првично беше објавено дека неговата здравствена состојба е стабилна, но се здобил со оштетувања на главата и подолго време бил без кислород.

Понатамошни испитувања покажале дека несреќата предизвикала „сериозни оштетувања на мозокот“.

Прнцот Фрисо (43) ќе биде префрлен на приватна клиника каде ќе се продолжи со негово лекување.

Несреќата се случи на 17 февруари во австрискиот скијачки центар Лех каде холандското кралско семејство редовно престојува.