Поради финансиската криза ФБИ истражува во четири најголеми финансиски институции во САД

Федералното биро за истраги (ФБИ) на САД истражува во четири од главните финансиски институции во земјата, чиј финансиски крах придонесе администрацията на Џорџ Буш за да го изготви планот за спасување, во  вредност од 700 милијарди долари, пренесоа светските агенции.

Агенциите се повикуваат на американските медиуми кои цитираат двајца анонимни претставници на организации за заштита на правата на граѓаните.

ФБИ проверува дали има можни измами во двата американски хипотекарни гиганти „Фани Меј“ и „Фреди Мак“, врз кои контрола воведе Министерството за финансии на САД – што претставува најрадикалното мешање на Владата во приватниот бизнис во САД.

Истражувани се уште и банкротираната четврта најголема банка во САД „Леман брадерс“ и најголемата во светот американсдка осигурителна компанија „ АИГ“, кај која Владата од федералните резреви на САД и додели 85 милијарди долари итен заем во замена за 80 отсто од акциите.

Истрагите, се уште, се во почетната фаза,  а тие ќе се насочат како кон компаниите, така и кон лицата кои ги раководеле. Со овие нови случаи, заради финансиката криза во САД ФБИ веќе истражуваше во вкупно 26 компании