Етичарите од Оксфорд: Морално е да се убиваат несаканите новороденчиња

Лекарите треба да имаат право неколку дена по раѓањето на несаканите деца да ги убијат, како и оние со посебни потреби и дефекти при раѓање, вели Франческа Минерва, филозоф и медицински етичар на Универзитетот во Оксфорд.

Таа во статијата “постпородилен абортус: Зошто бебето да живее”, објавена во Британскиот медицински журнал, вели дека бебињата не се вистински луѓе и дека постои мала разлика меѓу убиство по неговото раѓање и абортус во бременоста.

Д-р Минерва во горната статија, чиј ко-автор а Алберто Џубилини, биоетичарот на Универзитетот во Милано, изјави дека лекарите треба да имаат право да убијат дури и здрави бебиња ако нивните мајки не можат да се грижат за нив. Асистент на ова истражување на Оксфорд тврди дека постпородилниот абортус треба да се изедначи со оној во бременоста.

Д-р Минерва и д-р Џубилини се залагаат за убиство на бебиња и во случај кога кога тие ќе се родат совршено здрави, но мајката нема доволно време, пари или енергија за да се грижи за нив. Двајцата етичари веруваат дека посвојување на дете е една од опциите во овој случај, но дека тоа на мајката и предизвикува голем психолошки стрес.