Ајнштајн бил во право – ЦЕРН погреши

Алберт Ајнштајн изгледа бил во право со својата теорија за релативитет, додека научниците од Европскиот центар за нуклеарни истражувања (ЦЕРН) направиле грешка, тврдејќи дека субатомските честички се побрзи од светлината.

Резултатите од истражувањето на ЦЕРН “Опера“, кои на крајот на септември го потресоа научниот свет покажувајќи дека субатомските честички се побрзи од светлината, се покажа дека се неточни заради лошата конекција.

“Лошата конекција меѓу системот за глобално позиционирање ГПС и компјутерите како последица имало грешка“, објави американското списание “Наука“ на својата веб страна.
Нови истражувања, сепак, ќе бидат неопходни за да се потврди теоријата дека лошата врска меѓу ГПС системот и електронската картичка во компјутерот влијаеле на резултатот на мерењето, заклучено е во текстот во “Наука“.
Научниците сега планираат повторно да ја измерат брзината на неутрините веднаш штом Големиот хадронски колајдер почне со работа во март.