Доларот веќе не е единствена глобална валута

Американскиот долар веќе не треба да се смета за „единствена глобална валута“, како по Втората светска војна, смета францускиот претседател Николас Саркози.

Тој посочи дека таквиот став ќе го изнесе на самитот на Групата 20 во Вашингтон, посветен на светската финансиска криза, јави Ројтерс.

Францускиот претседател нагласи дека она што важело во 1945 година, повеќе не важи.

Неговата изјава се однесува на конференцијата Бретон Вудс одржана во 1944 година во Њу Хемпшир, на кои се востановени протоколите на меѓународната трговија, банкарството и другите финансиски односи меѓу државите.

{loadposition content9}