Добра идеа, топло ја препорачуваме

Главниот министер на индиската држава Керала, Омен Чанди поставил веб камера во својата канцеларија, за да може секој корисник на интернет во секој момент да види што тој прави.

„Наместо акција против корупцијата, ми се чини дека прво треба да се создаде атмосфера каде што работите се прават транспарентно. Нашите луѓе мораат да знаат сè“, изјави министерот, пренесува Њујорк Тајмс.

Првиот ден во преносот во живо се вклучиле околу 100.000 луѓе, а овој петок регистрирани се 293.586 логирани.

Преносот оди без тон, па посетителите можат само да читаат од усните што се разговара. Циниците би рекле дека министерскиот кабинет е последното место каде што се договараат зделките.

{loadposition content9}