Девет мртви во експлозии во луксузни хотели во Џакарта

Најмалку девет загинати, меѓу кои и странци, и над 40 ранети, е досегашниот биланс од серијата бомбашки напади што изутрината беа извршени во луксузни хотели во Џакарта.

“Бројот на убиени достигна девет лица. Осум загинаа на местото на инцидентите, а еден почина во болница. Има 41 ранети, вклучувајќи 16 странски државјани”, соопштија официјални извори во Џакарта.

По серијата експлозии, индонезиските власти соопштија дека бомба е откриена и деактивирана во соба во „Мариот“, еден од двата хотели во Џакарта, цел на бомбашките напади.

Претходно, во атентатот во хотелот Мариот беа убиени шест лица, а ранети уште неколку десетина.

Други три лица беа убиени во соседниот хотел „Риц Чарлтон“. Бомбата експлодирала во хотелскиот ресторан.

Засега никој не ја презеде одговорноста за нападите.

{loadposition content9}