Босфорот поцрвене од крвта на животните заклани за Курбан Бајрам

Протокот Босфор во Истанбул поцрвене од крвта на жртвените животни кои се заклани вчера по повод големиот муслимански празник Курбан Бајрам, пренесе турската приватна телевизија СиЕнЕн-Турк.

Телевизијата објави снимки на кои јасно се гледа како на неколку метри од брегот водите на морето се сосема црвени.
И покрај сите предупредувања многу луѓе во Истанбул сакаа да ги заколат животните на незаконски места, како споредни улици и паркови, а крвта што истекувала го бојадиса во црвено определен дел од водата на Босфор.

Општинските власти секоја година ги повикуваат граѓаните да ги колат животните на Курбан Бајрам во специјално создадени модерни кланици, а оние кои ги искористија овие услуги беа многу задоволни.

{loadposition content9}