Бомба експлодира крај атинска банка, нема повредени

Бомба експлодира утрово пред банка во јужниот дел од Атина, но нема повредени, соопшти грчката полиција.

Бомбата била активирана пред влез на Евробанк во атинското предградие Агиос Димитриос.
Половина час пред тоа во локален весник било пренесено предупредување од анонимен глас за поставена бомба. Засега никој не ја презеде одговорноста.
Полицијата претпоставува дека нападот е извршен од леви екстремисти чии напади стануваат се побројни откако во декември минатата година полицаец застрела 15-годишно момче. Досега во нападите нема жртви. Нивни цели станаа полициски станици, банки и приватна телевизија.
 

{loadposition content9}