Берлускони: Жените чекаат во ред да се омажат за мене!

Откако неодамна ги советуваше девојките да се омажат за возрасни богаташи, каков што е тој, италијанскиот премиер Силвио Берлускони, кој е познат во јавноста по своите гафови, изјави на собирот на младите од неговата партија Слободни луѓе, дека жените чекаат во ред да се омажат за него, пишува лондоснкиот весник „Телеграф“

– Жените чекаат во ред да се омажат за мене бидејќи сум добро момче, имам многу пари и знам како треба да се однесувам со нив, истакна 73-годишниот премиер и бизнисмен.

Тој повтори дека жените кои сакаат повозрасни мажи мислат дека тие побрзо ќе починат, а тие потоа ќе го наследат нивното богатство.

Италијанскиот премиер минатата година беше дел од секс скандал, по обвинувањата дека имал врски со млади девојки. Веднаш потоа тој се разведе од својата сопруга Вероника Ларио, која поднесе барање за поништување на бракот.

{loadposition content9}