Берлускони се чувствува како Мусолини

Говорејќи за кратењето на буџетот на средбата со новинарите по повод состанокот на Организацијата за економска соработка и развој, Берлускони признал дека има поголема контрола како бизнисмен со десетици илјади вработени. Се пожалил дека во денешната демократија тој е во служба на сите и секој може да го критикува, па дури и навреди.

Познат по шегите и неумесните коментари, овој пат премиерот се осмелил да го цитира Мусолини, за да го поткрепи своето тврдење за тоа дека моќта не е во рацете на владините лидери.

“Ќе цитирам фраза од личност која ја сметаат за диктатор, од големиот и моќен Бенито Мусолини. Во својот дневник неодамна го прочитав следново: ‘Велат дека имам моќ. Тоа не е вистина. Можеби членовите на мојата партија имаат моќ, но јас не сум сигурен. Сè што можам да сторам е да му кажам на мојот коњ да оди лево или десно. И морам да бидам задоволен со тоа’”, цитирал Силвио Берлускони.

Во 2003-та година, опонентите од левицата го критикуваа неговото интервју за британскиот магазин Спектатор, во кое изјави дека Мусолини е бенигна фигура која никогаш не убила некого.
{loadposition content9}