Бенетон ја повлече рекламата на која папата и имамот на Египет се бакнуваат во уста

Ватикан не ја прифати рекламната кампања на Бенетон „Unhate“ а фотографијата на која папата се бакнува со египетскиот имам ја нарече – неприфатлива провокација.

Рекламната кампања на Бенетон „Unhate“ која ги прикажува светските лидери како се бакнуваат има за цел поттикнување на толеранција и глобална љубов. Но ова објаснување не беше доволно да го запре протестот на Ватикан кој негативно реагираше на фото монтажата на бакнеж меѓу египетскиот имам Ал Азхар и папата Бенедикт 16.

Оваа рекламна кампања претставува неприфатлива провокација која ја навредува верата – соопшти Ватикан и предупреди дек ќе преземе мерки за заштита на папата. По ова Бенетон ја повлече рекламата.

Во оваа кампања се претставени монтирани фотографии на кои се бакнуваат претседателот на САД и претседателот на Венецуела, Обама и Чавез, германската канцеларка Меркел и францускиот претседател Саркози, израелскиот премиер Нетанјаху и палестинскиот претседател Махмуд Абаз, Обама и кинескиот претседател Ху Џинтао.

{loadposition content9}