Белоруските сили пукале врз полските војници, Минск негира

Полскиот премиер Матеуз Моравјецки им даде поддршка на војниците што ја чуваат белоруската граница од илегална миграција, по извештаите дека белоруските сили наводно пукале, веројатно празна муниција, врз полските војници, објави редакцијата на Радио Слободна Европа на англиски јазик.

Моравјецки изјавата ја даде на 8 октомври, а претходно истиот ден портпаролката на граничната стража Ана Михалска изјави дека белоруските сили на 7 октомври пукале преку источната граница на Европската унија, без да прецизира која била целта.

Михалска рече дека нема повредени и дека најверојатно е употребена празна муниција.

Јас сум и секогаш ќе бидам цврсто со нашите војници и нашата гранична стража – напиша Моравјецки на Твитер.

Сакам да им се заблагодарам на нашите служби за нивниот професионален и одговорен пристап – додаде полскиот премиер.

Полското Министерство за надворешни работи го повика Александар Часновски – диспечерот на Белорусија во Варшава „во врска со ситуацијата на полско-белоруската граница и агресивните дејствија на Република Белорусија против Полска“, се вели во соопштението на Министерството без да бидат наведени детали.

Портпаролот на белорускиот Одбор на државната гранична стража Антон Бичковски го отфрли тврдењето велејќи дека граничарите на земјата не користеле оружје во последните 24 часа.

Бичковски рече дека комитетот официјално побарал од полските власти да ги прецизираат нивните тврдења, пренесува руската државна новинска агенција Тасс.

Членките на ЕУ Полска и Литванија се соочуваат со зголемување на бројот на мигранти, претежно од Ирак и Авганистан кои преминуваат од Белорусија во како што велат европските власти, одмаздата на белорускиот моќник Александар Лукашенко поради санкциите воведени од Брисел против него и неговиот режим.

Двете земји прогласија вонредна состојба, забранувајќи во некои погранични региони влез на сите, освен на граничарите и безбедносните служби.

Двете земји, исто така, градат жичани огради долж границата со Белорусија.