Ангела Меркел бара формирање на Економски совет на ОН

Германскиот канцелар Ангела Меркел денеска во Давос изјави дека светската економска криза би можела да резултира со формирање на Економски совет на Обединетите нации, по примерот на веќе постоечкиот Совет за безебдност.

„Актуелната криза ја потенцира потребата за подобра меѓународна координација. Сите прашања со кои се соочуваме мора да бидат вклучени во повелбата за глобален економски поредок. Тоа би можело да доведе до формирање на Економски совет на ОН, како што е формиран Советот за безбедност по Втората светска војна“, истакна Меркел.

Таа најави дека идната година ќе се одржат состаноци на Меѓународниот монетарен фонд, Светската банка, Меѓународната организација на трудот и Светската трговска организација.
„Соработката меѓу овие организации се уште не е на задоволувачко ниво“.

{loadposition content9}