Албанец уапсен во Италија со половина тон кокаин

Албански државјанин е уапсен во Италија откако во камионот што го управувал биле пронајдени 467 килограми кокаин.

Според приштинскиот сајт „Репортерс“ се работи за 38-годишен Албанец со иницијали Ц.Е. кој престојува во Фиренца, каде што поседува две градежни фирми.

Албанецот бил запрен поради невообичаено цик-цак возење, што предизвикало сомнеж кај полицијата, а во камионот зад поголема количина градежен алат бил пронајден кокаин.

Албанецот ќе остане во притвор до прелиминарно рочиште.