Околу 60.000 луѓе останаа без електрична енергија во Канада поради ураганот Лари

Околу 60.000 потрошувачи останаа без електрична енергија на источниот брег на канадскиот остров Њу Фаундленд поради ураганот Лари, објави телевизијата Си-Би-Си.

Според Националната метеоролошка служба на Канада, налетите на ветрот на ураганот на некои места биле исклучително силни. Виорот собори стотици дрвја, патокази и билборди. Покривите на некои куќи беа одвеани. Некои од патиштата на островот во моментов се затворени поради поплави.

Нема информации за повредени.