Компулсивното купување претставува и ментално нарушување, сметаат психолозите. Купувањето, на пасионираните зависници од купување им дава чувство слично на тоа што алкохолот го претставува за алкохоличарите.
Понекогаш зависниците од купување собираат разни објекти бидејќи на тој начин го „решаваат“ хаосот и чувството на немање контрола. Исто така, овој вид нарушување може да има врска и со детството. Родителите ви давале подароци, но не поминувале доволно време со вас. Некои луѓе, едноставно, купуваат бидејќи се соочуваат со емотивна и финансиска празнина, па затоа, кога можат да си дозволат нешто, претеруваат плашејќи се од повторно соочување со немаштија.
Компулсивното купување понекогаш оди рака под рака со алкохолизмот или со нарушувањето во исхраната. На тој начин, луѓето ја пополнуваат празнината, без оглед на тоа дали имаат проблеми во врската, на работа и со нешто трето. За жал, таа еуфорија околу новата купена работа не трае долго и тие повторно тргнуваат во неконтролирано пазарење.
Зависниците од купување се особено ранливи во овој период од годината, кога има попусти на сите страни и кога секаде владее празнична хистерија. Лицето со ниска самодоверба сметаат дека купувањето нови чевли може да го крене расположението и да придонесе за подобра слика на самите себе.
Една од стратегиите што може да им помогне на зависниците од купување е кога купуваат да плаќаат со готовина бидејќи на тој начин ќе знаат колку потрошиле. Исто така, треба да купуваат во друштво на други луѓе, кои ќе ги контролираат и ќе внимаваат да не потрошат премногу пари. Уште еден начин е купувањето преку интернет, затоа што на тој начин точно знаете колку пари ви останале на кредитната картичка.
Психолозите им препорачуваат на зависниците од купување да почекаат 24 часа пред да купат нешто што навистина не им е потребно бидејќи на тој начин ќе имаат време да размислат уште малку за својата одлука.
{loadposition content9}
Ти Си Твојот Град
Ти Си Твојот Град