Записниците од охридскиот Општински инспекторат покажуваат поголема дисциплина на граѓаните и фирмите

Според извештајот на Општинскиот инспекторат за 2015 година охридските инспектори по туризам имале најмногу работа. Споредбено  извештаите од 2015   и 2014 година не покажуваат големи отстапувања од она што го сработиле општинските  инспектори од повеќе сектори, информира Томе Џамтоски портпарол на ЛС.

„ Генерално цифрите  по обем се приближни, но она што радува е дека има поголема дисциплина и кај  граѓаните и на фирмите во однос на дејностите со кои тие се занимаваат и што нашите инспекотри го  наоѓаат на терен“, подвлекува Џамтоски.

Од општинскиот инспекторат уверуваат дека се доволно кадровски комплетирани за да се справат со граѓаните и фирмите кои евентуално нeма да ги почитуваат законските прописи.

„Екипирани сме дури и правевме внатрешна реорганизација. Имаме и овластен  градежен инспектор. Екипираноста може да е и поголема, но она што го имаме во моментов  како човечки ресурси може да одговори на она што ќе е предизвик во летнатa туристичкa сезoна“, вели Џамтоски.  
 
Во минатата година инспекторите по туризам направиле 558 контроли на хотели  и на приватни станоиздавачи  од мал обем, изготвиле  513 записници, донесле 7 решенија и 5 опомени. Градежните  инспектори примиле 167 предмети и подготвиле 167 запсиници, а се поденсени 25 прекршоќни пријави и 3 кривични пријави. Од секторот за сообраќај, инспекторите направиле 400 контроли врз такси возила и 95 возила за линиски превоз. Инспектoрите од секторот за животна средина извршиле 144 редовни надзори, изготвиле 356 записници и изрекле 167 решенија. Според законските регулативи се направени 178 заклучоци за запирање на постапката, а процесите ќе се одвиват пред републичките органи, информира општинскиoт портпарол Томе Џамтоски.