Запален оџак опожари семејна куќа во Радојца Новичиќ

Во населбата Радојца Новичиќ, на улицата 130 бр. 16 утрово се запали семејна куќа. Соседите  во 8 .40 минути во охридкста пожарна пријавиле пожар на оџак во соседството.  Пожарот го зафатил кровот и горниот кат од семејна куќа и направил огромна материјална штета. По дојавата веднаш било испратено навално противпожарно  возило кое пристигнало  на местото на пожарот, а со оглед на големината на стихијата  во гаснењето биле вклучени  и останатите 4 противпожарни возила, информира командирот на противпожарната единица Спасе Прентоски.

„По првичната дојава на пожарот целокупното интервентно одделение од 10 пожарникари замина на лице место. Извршена е мобилизација на ППЕ по распоредот за мобилизација за поставување на дежурна смена. Од мобилизираните работници се испратени уште 6 -7  пожарникари. Пожарот е ликвидиран и локализиран, но за жал материјалната  штета  на објектот е голема“, кажува Прентоски.  

Во Охрид за една недела ова е втор голем пожар на семејна  куќа. Командирот Прентоски апелира до граѓаните да внимаваат  да ги  чистат оџаците.  

„Во зимскиот период ,  согорувањето во оџакот, односот меѓу  надворешниот и внатрешниот притисок е огромна разлика. Тежнеењето на топлиот воздух низ каналот на оџакот допринесува поголемо струење на топлиот воздух и ако не се ичистени грејните тела, оџаците и ќумците  од  саѓите кои се натоложиле од грејната сезона  доаѓа до палење. Друга причина е  неосодветинот или соодветниот градежен  материјал на кровната или меѓу кровната  конструкција кој е лесно запалив  и може да доведе до катастрофа како оваа денес и онаа мината недела во населбата  Варош“, објаснува Прентоски.

Од противпожарната единица апелираат дека никогаш не е доцна граѓаните кои се греат на огревно дрво да ги исчистат добро оџаците. Прентоски предупредува дека покрај оџаците еднаш во месецот задолжително треба да се чистат  од саѓи  ќумците,  како и  внатрешниот канал на оџакот  и  внатрешните делови од грејните тела. Само така веројатноста дека оџакот ќе биде запален и ќе предизвика  слични катастрофи ќе биде многу  помала, укажува Прентоски.

{loadposition content9}