Во Вевчани започнаа карневалските денови

Во Вевчани започна традиционалниот Василичарски карневал. Манифестацијата има вековна традиција, а во маскирањето учествуваат над 40 проценти од 2000 жители на Вевчани. Општествено политичките случувања кај нас и во светот и годинава беа инспирација за василичарите да имаат креативни и критички маски во дефилето.

Вевчанскиот карневал привлече голем број туристи од земјава, но имаше посетители од Србија, Бугарија , Турција. Покрај бројните туристи кои допатуваа во Вевчани беа присутни политичари и дипломати од странските амбасади. Сите присуствуваа со желба да се забавуваат и видат дел од вековната вевечанска традиција.

На свеченото прогласување на карневалската манифестација присуствуваше министерот за култура Роберт Алаѓозоски. При тоа тој кажа лично и професионално е за прв пат на вевчанскиот карневал. Вевачни е уникатно. Вевчани и карневлот се носители на отпорот и на традицијата, на демократската борба и на критичноста, на слободоумноста и на креативноста , истакна министерот Алаѓозоски.

„ Тие резонираат и со новите владини политики. . Креативни се отворени и го шират принципот за кој се залагаме демократизација на културата и општеството , освојување на нови хоризонти на критичната култура“, рече министерот Алаѓозоски.

Маските носат различни пораки, четсо и со непријани и навредливи содржини. Нивната содржина е непозната се до моментот кога учесниците од Горна и Долна мала не ги покажат на дефилето на сред село, вели вевчанскиот градоначалник Сашо Јанкоски.

“Тешко е да се изменаџира ваков настан, се одржува на отворено, тука нема сценарио и нема режија “ подвлече Јанкоски.

Вевчанскиот карневал се одржува три дена, а завршува утре со спалување на маските и со осмислување на следните за новиот карневал. Некогашната традиција дозволувала учество само на машки лица ,а од пред две децении се повеќе им се приклучваат и жени.