Високиот крвен притисок се почесто атакува врз младите

Зголемениот крвен притисок или хипертензијата  е најчестата причина за болестите на срцето и крвните садови. Хипертензијата е одговорна за појавата на бројни    кардиоваскуларни заболувања. Се нарекува и тивок убиец затоа  што на почетокот нема субјективни потешкотии се додека не се развијат здравствени компликации.  Најчесто на удар од хипертензијата се луѓето во средна и поодмината возраст, но исклучок не е ни младата популација, вели д-р Атанаско Михаилов, директор на охридскиот Центар за јавно здравје.

„ Не ретко зголемениот крвен притисок се појавува кај помладата популација. Тие се изложени на поголем број ризик фактори меѓу кои  најчести се стресот, лошата исхрана, дебелината, дијабетесот“.

Неконтролираниот зголемен крвен притисок  е еден од најголемите ризик фактори за разни заболувања кои завршуваат  со смртност. Македонците влегуваат во категоријата на населени места кои се изложени на овие заболувања. Навременото откривање и превенирање на хиперетнзијата може да ги запрат  штетните последици по луѓето, нагачсува д-р Михаилов.

“Тие што ја имаат хипертензијата мора редовно да ја контролираат и да ја земаат препишаната терапија од лекар“.

Најчесто симптоми на зголемиот крвен притисок се изразени силни главоболки, зацрвенето лице и очи, забрзана работа  на срцето, треперење на мускулите.
Лекарите препорачуваат секогаш по изразена главоболка  проверка на крвниот притисок и видот.

{loadposition content9}