Велгоштани бараат манифестацијата Вечер на Живко Чинго да биде финансирана од државата

На плоштадот, во подножјето на манастирот Св. Петка во Велгошти, течат завршните подготовки за одржување на манифестацијата „Вечер на Живко Чинго“. На 13 август, на роденденот на Чинго,  традиционало се чествува ликот и делото на големиот македонски писател кој ја прослави Македонија и во светски размери Живко Чинго. Величината на Чинго не е само заради неговото мајсторство и имагинација што ја поседувал во литературата туку и во поврзаноста со неговиот народ, потсетува на неговата голема доблест Ѓоко Чингоски директорот на ОУ кое го носи името на писателот.  

„Поврзаноста на писателот со живата виостина, со својот народ е она што вреди и што е огромо богатство. Писателот ќе додаде дека кој не е поврзан со својот народ и не живее во сегашноста и не ги гледа негвоите проблеми е глув и беден писател. Тоа се размислувањата на Чинго. Тој е во потрага по проблемите кој го тиштат народот. Пишува за окупацијата, постокупацијата, миграцијата, колективизацијата и кога ги читате ги чувствувате како свои тоа не случајно. Пишува за нас за својот народ. Тие трендови и теми се модерни и денес, “ кажува  Чингоски.

 Месната заедница од селото и одделението  за култура при Локалната самоуправа ја организираат манифестацијата Вечер на Живко Чинго. Неговите пријатели, роднини и велгоштани бараат да не се маргинализира значењето на големиот писател и оваа манифестација да се организира под покровителство на државата и да трае повеќе денови.

Неговите велгоштани се прашуваат зошто нема претставник од Ману и манифестацијата не е финансиски поддржана од Министерството за култура. Побарале од охридските пратеници да покренат инсицијатива за манифестацијата да бида органзоиран од страна на државата.

„Маргинализиран е во наши рамки, а не во светски. Во годините што доаѓаат неговата величина ќе расте.Се прашуваме зошто да е вечер на Живко Чинго , а не вечери на Чинго. Просторот има прекрасна пририда, манастирски конаци од Св. Петка прекрасен простор  за беседење на повеќе писатели и дружењата да се неколку вечери“, подвлекува Ѓоко Чингоски.

На утрешното традиционално чествување на делото на Живко Чинго во 20 .30 минути беседа ќе одржи писателот и дипломат Јордан Плевнеш. Вечерта ќе биде исполнета и со богата културно забавна содржина, а на виолина ќе настапи Кристина Шокароска.