Се уредуваат јавните површини низ Охрид

По налог на Општина Охрид, екипи на охридските јавни претпријатија деновиве работат на партерно уредување на јавни површини на неколку локации во Охрид и неговата околина.

Во село Пештани се уредува и поплочува пристапната улица која го поврзува ова населено место со регионалниот пат Охрид – Св. Наум. Изведувач на градежните активности е фирмата „Кими-Ибра“ од Кичево.

Во село Велгошти со бехатон плочки се поплочи пристапната улица што води до ООУ „Живко Чинго“.

Екипи на ЈП „Водовод“ пак, работат на поставување нова водоводна линија на ул. „Григор Прличев“ во Стариот дел на градот.

Активностите се реализираат со средства од буџетот на Општина Охрид.