Се санира старата зграда на Маларична

Старата зграда Маларична од ЈЗУ „Здравствен дом“ после многу години се санира. Објектот е во лоша состојба изграден во далечната 1956 година. Тука голем број охриѓани и гости добиваат здравствени услуги од повеќе медицински служби меѓу кои итната медицинска помош, патронажната служба, стоматолошката служба и матични лекари по општа пракса.

„ Настојуваме сега со санација да се тргнат азбестните плочи. Да се санира целосно кровот со квалитетен лим, стреите што се рушат да бидат опфатени со лим и да се фасадира од надворешната страна“, информира директорот на Здравствен дом д-р Ајсел Зејноска.

Д-р Зејноска напоменува дека покрај подобрување на условите во медицинската установа паралено работат и на подновување на службите со медицинска опрема и санитетски возила. Со проект од Ипард програмата обезбедиле финансиски средства за набавка на амбулантно возило.

“ Добивме 185.000 евра за здравствен дом Охрод Од кои во 2019 ќе ни префрал дел за да купиме современо санитетско возило со целосна опрема и медицинска опрема која вклучува дефибрилатори, екг апарати, аспиратори и друга опрема“, инфромира д-р Зејноска.

Покрај набавката на едно санитетско возило од Ипард прогармата, во постапка е купување на уште две возила од сопствени средства. Возниот парк со санитески возила на Итната медицинска служба ќе се поднови со уште едно современо санитетско возило, а за потребите на патронажната служба ќе се набави патничко возило, кажува Ајсел Зејноска директор на ЈЗУ „Здравствен дом“ Охрид.