Првачињата од Григор Прличев беа во посета на Локалната самоуправа

Учениците од прво одделение  од ОУ „Григор Прличев“  денес ја посетија општинската  зграда.  Директорката на училиштето Силвија Мојсоска напомена дека оваа посета е во рамките на Детската недела, а има за цел учениците од најмала возраст да се запознаат со оваа установа. Посетата на општината се применува и во повисоките одделенија, вели директорката Мојсоска.  

„  Како редовна посета имаме  во 3 одделение тогаш учат учениците за Локалната самоуправа и секоја година тоа го практикуваме по наставнат единица и а практично да се запознаат. Започнавме и со малечките и е убаво да знаат за оваа и другите  институции за постепено да го научат начинот  на работа на институциите“,вели Мојсоска.

Првачињата при посетата на  општинската зграда ги прими заменикот градоначалник Ангел Јанев. Општината  не  е на располагање само на возрасните туку и на најмладите граѓани, истакна на средбата  Јанев.   Полека, но сигурно ги запознавме најмладите со делувањето на Локалната  самоуправа, кажа Јанев.

„ Денес голема чест и задоволство ми претствува да ги пречекаме првачињата. Накратко им објаснив како функционира Локалната самоуправа,а од друга страна ги запознав со хиерархијата на поставеност“, напомена Јанев.     

Пракса е како и минатата година, а се надеваме дека и во иднина ќе продолжи, учениците да ја посетуваат општинската зграда  и институциите на Локалната самоуправа , рече Јанев.
Првачињата пак за возвратија  со песнички кои  ги научиле в училиште.

{loadposition content9}