Охридските мајстори го одбележаа 3 јуни Денот на занаетчиите

Охридските мајстори го одбележаа 3 јуни Денот на занаетчиите.

Охридските занаетчии свечено го одбележаа 3 јуни. Врвни охридски, познати мајстори саатчии, молери, фризери, опинчари, електроничари, шнајдери, ковачи, чевлари, бисерџии го одбележаа својот празник, кој за прв пат се одбележува на овој датум. Вредните мајстори кои со својот труд придонесуваат за развој на занаетчиска дејност во градот се задоволни од  работата на раководството на регионалната занаетчиска комора. Грижата за презентација на нашите просиводи во јавноста е евидентна и таа за нас знаетчиите е највжана вели познатиот охридски бисерџија Климент Талев. За подобра работа на комората  Талев  повикува на самодисциплина на нејзините членови.

„ Доколку занаетчиите сакаат да ги уживаат правата кои ги нуди комората  и државата без плаќање на членарина тоа е невозможно. Наназад години неможевме да направиме ниедна манифестација немаше финански средства сега е подобрено и нешто се презема. Во иднина со дисциплина и редовно плаќање на членарина од 1800 денари годишно што не е многу за еден занаетчија ќе се постигнат и повеќе поволности.“  

Сашо Богоески, претседател на Регионалната занаетчиска комора вели дека занаетчиите имаат проблеми, но тие се решаваат етапно. Потсети на повеќе успешни олеснувања во работата на занаетчиите,   како што се намалувањето на голем број комунални давачки, зголемено учество на занаетчиите на манифестации. Во моментов ги загрижува податокот што во првите 5 месеци од оваа година нема упис на нити еден нов занаетчија, но со проектите на УНДП и Агенцијата за вработување очекуваат промени. Целта на комората на занaетчии  е да го продолжи векот на занаетчиските дејности.
 
„Став на Министерството за економија е дека дел од занаетите се изумрени, а дел се во изумирање. Мора да водиме сметка за постоечките активни занаети и наша цел е да ги афирмираме. Факт е дека сите млади не можат да бидат со високо образование. Наша цел е  на занаетчиство да ги поттикнеме младите да се занимаваат со дејности за да се наследат претходните генерации, доаените на охридското занаетчиство. “  

За досегашната афирмација на занаетчиската дејност благодарници добија повеќемина занетчии кои оставиле свој белег во занаечиската дејност. Богоески се заблагодари на пензионираните занаетчии за 30 , 40 и 50 години вложениот макотрпен труд  поминат во работилниците и дуќаните.   

{loadposition content9}