На кејот е поставен мобилен тоалет, но не работи

Единствениот мобилен тоалет, за кој нема информации кој го поставил, по се изгледа е поставен само про форма, а не и заради суштината на неговата функција. На кејот, во близина на хотел Палас, во паркот е поставен мобилен тоалет, но тој не работи. Често пати туристите кои имаат потреба остануваат разочарани бидејќи истиот не работи.

Од  општинските служби добивме одговор дека општината нема програма за поставување  и  одржување на јавни тоалети. Од општинскиот инспекторат напоменаа дека издале налог овој тоалет веднаш да се одстрани.

За жал, градот досега  не изнајде трајно  решение за поставување на јавни тоалети  во македонскиот туристички центар.  Некои ветувања и најави за решавање на проблемот со јавни тоалети има од  Југозападниот плански регон. Дотогаш останува да се чека на решавање на овој важен комунален проблем на кој веќе подолго време посочуваат туристичките работници.