Итната помош со зголемен број на повици, прегледи, ургентни ситуации

Лекарите од Итната медицинска помош и ова лето имаат полни раце работа. Екипите на ургентниот центар се справуваат со сите повици за лекарска помош, вели д-р Ајсел Зејноска директор на Здравствен дом.

„ Бевме во портокалова фаза. Службите функционираа турбо. Зголемен број на повици, прегледи, ургентни ситуации. Медицинските екипи квалитетно ја обавуваа работата на Итната медицинска помош, без застој“, напоменува д-р Зејноска.

Со набавката на новите возила и опрема ургентниот центар ќе го подигне на повисоко ниво квалитетот во работењето на нивната установа. Посебно се горди на новото санитетското возило купено со домаќинско работење од сопствени средства.

„ Ќе го зголемиме квалитетот на здравствената заштита на пациентите во градот, посебно во летните месеци кога е зголемен бројот на туристите и околните села. Ова е најново возило, за една класа подобро од сите, со хидрауличен бокс неопходен за безбеден транспорт на пациентите надвор од Охрид“, вели Зејноска. 2:06

Покрај набавката на возила и опрема за службите при Здравствен дом Охрид, медицинските екипи се засилени и со тројца нови доктори во Итната медициска помош, 3- ца доктори стоматолози и две медицински сестри, информира д-р Ајсел Зејноска.