Искршени прозорците на Куќата на Момировци лесна мета за руинирање од страна на вандалите

Куќата на Момироци повеќе од еден месец е со искршени прозорци. Таа  се наоѓа на улицата Илинденска, попозната кај охриѓани како попарница, во непосредна близина на антички театар и е сопственост на Завод и музеј. Искршените прозорци се на прв кат и објектот станува лесна мета на вандалите за руинирање на неговата внатрешност.  Директорката на прашањето дали има некакви експонати тврди дека објектот е празен.    „Не, нема ништо. Сите наоди од ископувањата на антички театар и Плаошник се документирани и складирани во музејско депо , а таму во моментов нема никакви предмети“, кажува директорката Паскали Бунташеска.  
Охрид нема етно музеј и овој вреден објект би послужил за таа  намена, но сопственикот Завод и музеј нема намера годинава да интервенира врз објектот.

„Куќата на Момировци ќе биде предвидена за реконструкција со програма во 2017 година. Ќе се изврши комплетна санација на кровот, фасадата и ентериерот. Планирано е да се направи мини музејски простор. Во внатрешноста на објектот ќе бидат презентирани сите движни наоди кои се открија на антички театар во Охрид“, вели Паскали Бунташеска.

Инаку, куќата на Момировци е во староградски стил,  а во внатрешноста имаше старинска соба во  етно стил со камин, дрвена таваница со богата резба и дрвени долапи.